Герм кнедлата, која се сметаат за планински специјалитет, е десерт направен од тесто од квасец со густ џем од сливи. Иако потекнуваат од Австрија, сега се задолжителни во менијата низ Алпите, особено во планинските колиби.
Прелиени со путер и наросени со семки од афион и шеќер, герм кнедлите (Germknödel) не се само десерт. Тие се ритуал и одмор од планинските активности.
Потребни состојки:
- 500 гр брашно
- 1 кесичка сув квасец
- 1 јајце
- 50 гр шеќер
- 2 кесички ванилин шеќер
- 300 мл топло млеко
- 50 гр путер на собна температура
- џем од сливи
за преливот:
- 2 жолчки
- 100 гр шеќер
- 300 мл млеко
- 1 лажичка густин
- неколку капки екстракт од ванила
за попрскување:
- семки од афион
- шеќер во прав
Подготовка:
Измешајте го квасецот и една лажичка шеќер со малку топло млеко и оставете ја смесата да нарасне.
Во меѓувреме, измешајте го брашното и солта во голем сад, потоа додадете го квасецот, путерот, шеќерот и јајцето. Изматете кратко и додадете го остатокот од топлото млеко. Замесете мазно тесто и оставете го околу 30 минути да нарасне.
Додека тестото нараснува, подгответе го преливот. Загрејте го млекото и екстрактот од ванила на тивок оган. Во сад, изматете ги жолчките со шеќерот и додадете го згуснувачот и малку ладно млеко. Додадете ја изматената смеса во загреаното млеко. Мешајте додека смесата не се згусне.
Кога тестото е готово, развлечете го во форма на цилиндар и поделете го на 10 еднакви делови. Потоа формирајте топчиња од секое парче и дополнително растегнете го. Наполнете ги топчињата со џем од сливи и спојте ги краевите на тестото за да формирате кнедли. Потоа оставете ги околу 15 минути да нараснат.
Ставете ги кнедлите во врела вода, која претходно сте ја посолиле, и варете ги 7 до 10 минути. Проверете дали се сварени пред да ги извадите. Не ги ставајте сите кнедли одеднаш бидејќи ќе нараснат за време на готвењето. Додека се уште топли, прелијте ги со претходно подготвената смеса, наросете со афион и шеќер во прав.
