Дознајте како да направите идеален ручек за секој ден и за зимска посна слава, следејќи го рецептот за посен подварок со суви сливи.
Подварокот со суви сливи е доказ дека дури и без месо можете да направите топло, ароматично и богато јадење кое плени со својата арома и вкус. Комбинацијата од кисела зелка и слатки суви сливи создава совршена рамнотежа на киселост и благи ноти на овошје, додека црвениот кромид и лукот додаваат дополнителен вкус.
Едноставен за подготовка, овој подварок а е одличен избор за оброк за вашата посна слава или именден, но и за секојдневен ручек, особено ако сакате јадење кое е лесно за подготовка. Сервирајте го со печен компир или пире од компири и имате комплетен оброк во кој ќе ужива целото семејство.
Ако сакате позачинети јадења, слободно додадете малку мелена лута пиперка по вкус.
Потребни состојки:
- 1 кг сечкана кисела зелка
- 200 гр суви сливи без семки
- 2 главици црвен кромид
- 3 чешниња лук
- 5-6 лажици масло
- 3 листови ловор
- сол
- бибер во зрна
- мелена пипер
Подготовка:
Ситно исечкајте ги црвениот кромид и лукот, а потоа пржете ги на умерена температура во голема тава или тенџере додека не станат стаклени и меки.
Додадете ги сувите сливи, ловоровите листови и зрната бибер, па пржете уште неколку минути, мешајќи постојано за да се соединат вкусовите.
Исцедете ја зелката, а доколку е премногу солена, исплакнете ја под вода. Додадете ја во тавата со сливите и кромидот и пржете ја околу 10-15 минути, постојано мешајќи.
Префрлете ја смесата во длабок плех, додадете околу 2 чаши вода и печете во рерна на 180 степени околу еден час, додека зелката не омекне.
Послужете го подварокот како главно јадење или како прилог со печен компир или пире од компири.
