Најдобрата салата можете да ја направите од јајцата што ви останале од Велигден, со додавање на грашок, кашкавал и мајонез.
Грашокот е одличен растителен извор на протеини, богат е со влакна, па многу позитивно влијае на здравјето на дигестивниот тракт. Богат е со витамини К и Ц, како и витамини од Б комплексот.
Потребни состојки:
- 400 гр грашок
- 3 тврдо варени јајца
- 180 гр чедар или кашкавал
- 160 гр мајонез
- 120 гр кромид
- сол
- бибер
Подготовка:
Прво сварете го грашокот, исцедете го и оставете го да се излади.
Потоа во сад измешајте ги грашокот, сечканите тврдо варени јајца, кашкавалот сечкан на коцки, мајонезот и сечканиот кромид, па зачинете со сол и бибер по вкус.
