Замрзнувањето е еден од најдобрите начини за продолжување на рокот на траење на свинското месо, но дури и месото во замрзнувачот не може да трае неограничено долго.
Должината на складирање зависи од тоа дали месото е посно или масно, како и од тоа колку било свежо кога било замрзнато. Правилното пакување и соодветната температура се клучни за зачувување на вкусот, текстурата и безбедноста на храната.
Препорачаното време на складирање варира во зависност од видот на месото:
- посни парчиња (бут, плешка, каре) - од 4 до 8 месеци
- помрсни делови (врат, стомак) - од 3 до 5 месеци
- меленоко - 1 до 2 месеци
- готвено - од 2 до 3 месеци
По овие датуми, месото не е нужно расипано, но може да изгуби квалитет, вкус и сочност.
Пред да го ставите свинското месо во замрзнувач, се препорачува да го поделите на порции што лесно ќе ги користите подоцна. Месото не треба да се мие, туку само да се исчисти од мали остатоци од коски или нечистотии и добро да се исуши со хартиена крпа.
Добра идеја е месото однапред да го исечете на помали парчиња, шницли или коцки, бидејќи така ќе заштедите време при подготовката на оброкот.
Користете кеси за замрзнување или садови со херметички затворач за складирање. Обичните тенки пластични кеси од продавница не се најдобар избор бидејќи лесно пукаат на ниски температури.
Доколку имате можност, вакуумското пакување е едно од најдобрите решенија, бидејќи го намалува присуството на воздух и му помага на месото да го задржи својот квалитет подолго време.
Свинското месо кое поминало повеќе од три дена во фрижидер не треба да се става во замрзнувач. Колку побрзо месото се замрзне по купувањето, толку подобар ќе биде неговиот квалитет по одмрзнувањето.
Препорачаната температура за складирање на месо во замрзнувач е -18°C. На повисоки температури, храната не е доволно замрзната, додека долготрајното складирање и несоодветните услови можат да доведат до промени во квалитетот на месото.
Откако ќе се одмрзне месото, не треба повторно да се замрзнува. Повторното замрзнување може негативно да влијае на квалитетот и да го зголеми ризикот од раст на бактерии ако месото не е правилно складирано за време на одмрзнувањето.
