Мексиканската лазања со пченка е зачинета и богата со вкус.
Можете да ги подготвите лазањите однапред. Потребно е само да ги составите сите слоеви, а потоа да го покриете садот со фолија и да го ставите во фрижидер до еден ден. Кога ќе одлучите да ги испечете лазањите, печете ги 15 минути подолго. Печените лазањи оставете ги да отстојат најмалку 5-7 минути пред да одлучите да ги исечете.
Наместо листови тесто за лазања можете да користите и тортиљи, така рецептот ќе биде уште поубедливо мексикански.
Потребни состојки:
- 2 лажички маслиново масло
- 450 гр мелено говедско месо
- 120 гр кромид
- 1 лажичка лук
- 1 лажица мешавина од суви зачини
- 120 гр лута зелена пиперка
- 400 гр домати
- 120 гр пченка
- 450 гр конзервиран црн грав
- 280 гр лут доматен сос
- листови лазања (или тортиљи)
- 3700 гр рендан кашкавал
- 2 лажици сечкан магдонос
- масло
- преливи како павлака и гвакамоле (по желба)
Подготовка:
Прво загрејте ја рерната на 190 степени. Намачкајте го садот за печење со масло. Во тава загрејте масло на средна топлина. Додадете го телешкото месо и пржете го 4-5 минути кршејќи ги парчињата со шпатула. Додадете ситно сечкан кромид и пржете 3-4 минути или додека не омекне. Потоа додадете го и ситно сечканиот лук и пржете уште 30 секунди. Додадете ја сечканата лута зелена пиперка, доматите исечкани на коцки (и изцедени!) и пченката, па измешајте за убаво да се соединат состојките.
Додадете ја конзервата грав. Мешајте додека смесата темелно не се соедини. На дното на садот за печење намачкајте со тенок слој сос од домати. Исечете ги листовите лазања за да имате повеќе слоеви. Намачкајте ја лазањата со 1/3 од доматниот сос, па посипете со 120 грама кашкавал. Над кашкавалот намачкајте 1/3 од смесата со грав и месо.
Повторете ги слоевите, завршувајќи со слој од преостанатиот кашкавал. Покријте и печете 20 минути, а потоа откријте и печете уште 20 минути, или додека кашкавалот не се растопи и не порумени. Посипете со магдонос. Додадете ги преливите по желба.
Готовата лазања исечете ја на квадрати и послужете.
