Солениот ролат од тиквички полнет со шунка и кашкавал е совршено брзо предјадење или лесен оброк без брашно, идеален за секоја пригода.
Ролатот од солени тиквички полнети со шунка и кашкавал е совршена комбинација од лесно и заситувачко јадење кое можете да го послужите и како предјадење и како главно јадење.
Идеален е за празнични пригоди, но и за денови кога сакате нешто брзо, вкусно и малку поинакво. Меката основа од тиквички во комбинација со шунка и стопен кашкавал создава одличен баланс на вкусови на кој е тешко да се одолее.
Потребни сстојки:
за кората:
- 3 мали тиквички
- 3 јајца
- 1 шака рендан кашкавал
- сол
- бибер
за филот:
- 100 гр шунка
- 100 гр рендан/сечкан кашкавал
Подготовка:
Добро измијте ги тиквичките и изрендајте ги заедно со кората, потоа посолете ги и оставете ги да се исцедат неколку минути. Потоа добро исцедете ги за да се добие компактна смеса.
Додадете јајца и рендан кашкавал во исцедените тиквички, па зачинете со сол и бибер. Добро измешајте сè додека не добиете еднолична смеса.
Рамномерно распоредете ја смесата на плех обложен со хартија за печење, во тенок слој сличен на кора. Печете во претходно загреана рерна на 180 степени околу 30 минути, додека кората не добие блага златна боја и не стане цврста.
Извадете ја печената кора од рерна, преку неа распоредете ја шунката и кашкавалот и внимателно замотајте ја додека е сè уште топла.
Вратете го голатот во рерна и печете уште 10 минути, додека кашкавалот не се растопи на средина и сè добро не се поврзе.
