Брзо и едноставно јадење со примеси на азиска кујна што секој може да го подготви без многу труд, а сите членови на домаќинството ќе уживаат во богатиот вкус на зеленчукот и сосот.
Ова лесно јадење со ориз можете да го подготвите за ручек или вечера без многу труд. Зеленчукот и печурките му даваат полн вкус, а сосот од соја и сосот на база на лук совршено ги поврзуваат состојките. Ќе го обожавате бидејќи се подготвува брзо, а сите во домот ќе бараат уште.
Доколку сакате уште побогат вкус, додадете малку сусам или кикиритки на крајот, непосредно пред сервирање.
Потебни состојки:
- 300 гр печурки
- 2 лажици масло
- 1 кромид
- 1 пиперка
- сол
- бибер
- 300 гр варен ориз
за сосот:
- 1 лажичка кафеав шеќер
- 1 лажица оризов оцет
- 3 лажици соја сос
- 1 лажица кечап
- 1 чешне лук
Подготовка:
Кромидот и пиперката исечкајте ги на ленти, а печурките на парчиња.
Загрејте го маслото во тава, па додадете го кромидот. Кога ќе омекне, додадете ја пиперката и печурките. Зачинете со сол и бибер по вкус.
Во мал сад измешајте соја сос, оризов оцет, кечап, шеќер и ситно сечкан лук. Добро измешајте.
Додадете го сварениот ориз во тавата со зеленчукот и прелијте го подготвениот сос. Мешајте додека сè добро не се соедини и рамномерно не се загрее.
Топлиот ориз со зеленчук и печурки послужен директно од тавата ќе биде одличен избор за брз и вкусен оброк.
