Ако барате поздрава алтернатива на пица, тортиља пицата може да биде идеален избор.
Подготовката на ова јадење трае само неколку минути, а има и помалку калории од обична пица бидејќи има далеку помалку тесто.
Состојките можете и да ги менувате по ваш избор.
Потребни состојки:
- 2 тортиљи
- доматен сос
- кашкавал
- туна
- виолетов кромид
- домати
- моцарела
- маслинки
Подготовка:
Намачкајте доматен сос врз првата тортиља, а потоа наросете со рендан кашкавал. Потоа ставете друга тортиља врз која ќе намачкате доматен сос, а потоа посипете со туна, додадете сечкан виолетов кромид, домати, моцарела, маслинки и наросете со рендан кашкавал.
Печете ја тортиља пицата 10 минути во рерна на 200 степени, а потоа 7 минути на 180 степени.
