Пржениот ослич со прелив од лимон и тревки е идеално јадење за Велики петок за целото семејство.
Осличот е одличен извор на есенцијални масни киселини, а исто така е богат со протеини, минерали и витамини. Содржи аминокиселини и антиоксиданси. Богат е и со омега-3 есенцијални масни киселини, како и со витамини од Б комплексот.
Потребни состојки:
- 600 гр филе ослич, со кожа и без коски
- 1 лажица маслиново масло
- сол
- свежо мелен бибер
- 50 гр маргарин
- ½ лимон
- 1 лажица мешани билки (магдонос, власец и мајчина душица)
Подготовка:
Загрејте го маслиновото масло во голема тава и додадете ги зачинетите филети ослич, со кожата надолу. Пржете 1-2 минути додека кожата не почне да станува крцкава, а потоа додадете парчиња маргарин во тавата околу секое филе и пржете уште една минута, додека кожата не стане крцкава.
Превртете ги филетите и пржете уште 3-4 минути. Префрлете ги во загреани чинии додека го подготвувате сосот. Додадете го преостанатиот маргарин во тавата и оставете малку да се растопи на средна температура. Кога ќе се растопи, додадете малку сок од лимон и мешавина од билки, мешајќи за да се соединат.
Зачинете по вкус. Со овој сос прелијте ги филетите од ослич и послужете со брокула на пареа и малку динстани млади компири.
