Мафините се познати по својата разноврсност - може да бидат слатки или солени, а комбинациите на храна се речиси неограничени.
Мафините со јајца, познати и како кајгана мафини, се особено вкусни и се совршена опција за брз и хранлив појадок.
Овие мафини може да се комбинираат со различен зеленчук или зачини, но дури и во поедноставна верзија, без дополнителен зеленчук, тие сепак се многу вкусни. Подготовката е едноставна и брза, па затоа ова јадење е идеално за секој што сака практичен, но хранлив појадок.
Состојки (за 8 мафини):
5 јајца
сол и бибер по вкус
масло во спреј
Подготовка:
Изматете ги јајцата како да подготвувате кајгана. Додадете сол, бибер или други зачини по желба. Напрскајте калап за мафини со масло за готвење.
Истурете ја смесата од јајца во секој калап до средината на калапот. Печете во претходно загреана рерна на 180°C околу 20 минути.
Кога ќе ги извадите, оставете ги малку да се изладат пред сервирање.
На здравје!
