Топла крем супа идеална за студените есенски денови.
Потребни состојки:
- 1 главица црвен кромид
- 3 чешниња лук
- 25 грама корен од целер
- 50 гр бел праз
- 1 морков
- 1 компир
- 800 мл вода
- 1 коцка за пилешка супа
- 150 гр брокула
- 150 гр карфиол
- 150 гр тиквички
- 50 гр грашок
- 70 гр печурки
- магдонос
Подготовка:
Во тава загрејте малку маслиновото масло, па пропржете го ситно сечканиот црвен кромид, лукот и коренот од целер.
Додадете ги празот и морковите исечени на кругови, компирот исечкан на коцки и динстајте додека зеленчукот не омекне.
Во тенџере ставете вода да врие и додадете ја коцката за пилешка супа. Варете 15 минути, а потоа додадете ги цветовите од брокулата и карфиолот, грашокот и тиквичките исечкани на коцки. Варете додека зеленчукот не омекне.
За декорација оставете неколку парчиња морков и една лажица грашок, а потоа со миксер или во блендер измешајте го зеленчукот во супата.
Во мала тава растопете го путерот, а потоа испржете ги исечените шампињони додека не поруменат. Одделете неколку парчиња за декорација, а остатокот измешајте го во супата. Варете ја супата уште една минута.
Готовата супа украсете ја со печурки, моркови и грашок и посипете со сечкан магдонос.
На здравје!
