Освежителен пијалак кој е лесен за подготовка, a ќе ве тера на чаша плус.
Миризливиот и освежителен сок од цветови од багрем е лесен за подготовка, а многу луѓе го сакаат поради неговиот благ вкус и пријатна арома. Највкусен е кога се подготвува од свежо набрани, непрскани цветови.
Потребни состојки:
- 20–25 цветови од багрем
- 2 л вода
- 2 лимона
- 70 гр шеќер (или 30 гр стевиа)
- 1 кесичка лимонтус
Подготовка:
Нежно протресете ги цветовите од багрем за да ги отстраните сите нечистотии и инсекти. Не ги мијте ако не се валкани, за да не ја изгубат аромата што ги прави посебни.
Истурете вода во голем сад, додадете ги цветовите од багрем и парчињата лимон. Покријте и оставете да отстои 24 часа на ладно место.
Трик за уште подобар вкус: За поинтензивна арома, додадете неколку ливчиња нане или малку рендана кора од лимон додека сокот се впива со цветовите од багрем.
Следниот ден, процедете ја течноста низ газа или густа цедалка и добро притиснете ги цветовите и лимонот за да го испуштат целиот сок.
Додадете шеќер и сок од лимон во процедената течност, а потоа промешајте додека не се растворат целосно.
За поздрава алтернатива: Шеќерот можете да го замените со засладувач стевиа. Имајте на ум дека ставиата е поблага од шеќерот, па за замена на 70 гр шеќер трреба да ставите 30 гр стевиа. Или, засладувајте по вкус.
Истурете го сокот во чисти стаклени шишиња и чувајте го во фрижидер.
