Ако сте љубител на десерти со мак (или афион), тогаш дефинитивно треба да ја пробате оваа слатка пита. Иако оригиналниот рецепт ја нарекува „сува пита“, тоа е многу сочен десерт што наликува на баклава.
Рецептот го пронајдовме на YouTube каналот Receptura, еден од најпопуларните канали за рецепти во регионот.
Потребни состојки:
- 500 гр кори
- 1 дл масло
- 300 гр мелени семки од мак
- 300 гр шеќер
- 50 гр суво грозје
- 10 гр цимет
за преливот:
- 200 гр шеќер
- 100 гр мед
- 2 дл вода
- сок од 1 лимон
Подготовка:
Прво, исечете ги корите според големината на тавата. Потоа, премачкајте ја тавата со масло. Во поголем сад, измешајте ги семките од мак и шеќерот и додадете го сувото грозје. Ставете еден лист кори на дното од тавата и премачкајте ги со масло, а потоа повторете го овој процес уште двапати.
Ставете слој сув фил врз третиот лист кори, додадете малку цимет и покријте со друг лист кори. Ставете два листа кори помеѓу семките од мак и премачкајте ги со масло. Повторете го процесот додека не го потрошите филот. Оставете три листа кори за крај, кои треба да се пропрскаат со масло.
Исечете го колачот на парчиња. Можете да го исечете како баклава. Печете го во претходно загреана рерна на 200 степени 20 минути.
Во меѓувреме, во тенџере истурете вода, исцеден сок од еден лимон и шеќер. Гответе на тивок оган околу 10 минути додека смесата не зоврие. Треба да биде густа. Извадете го готовиот десерт од рерна и рамномерно прелијте го сирупот врз топлиот десерт. На крај, прелијте го со мед. По желба сечените парчиња можете да ги украсите со тенки парчиња лимон.
