Оваа салата со пилешко, кашкавал и маслинки е совршена за Велигденската празнична трпеза и многу е вкусна.
Потребни состојки:
- 300 гр пилешко филе
- 150 гр кашкавал
- 150 гр мајонез
- 280 гр црни маслинки
- 2 домата
- ½ кромид
- 1 лажица зачин за пилешко
- сол по вкус
- вода
- масло
за декорација:
- 3 чери домати
- 3 црни маслинки
- 1 лажичка мак
- грст свеж копар
Подготовка:
Прво измијте 300 го пилешкото и исушете го со хартиени крпи. Посолете го месото од сите страни и посипете со зачини. Со раце добро втријте сè во месото. Подготвеното филе ставете го во загреана тава со масло. Пржете на силен оган додека не се формира убава златно-кафена кора, околу 2 минути прво од едната, а потоа од другата страна. Кога месото ќе зарумени од двете страни, истурете половина чаша врела вода во тавата и покријте со капак. Намалете го огнот и динстајте под капак околу 15-20 минути.
Кога месото е готово, извадете го од тавата и оставете малку да се излади. Изладеното филе исечкајте го на ситни коцки. Исто така, исечете ги доматите на коцки. Исечете ги црните маслинки на прстени. Задолжително оставете 3 маслинки за декорација на салатата. Кромидот исечкајте го на ситни коцки и ситно изрендајте го кашкавалот. Ставете го сечканото пилешко филе на голема чинија. Раширете го рамномерно по целата површина. Нанесете мајонез во форма на мрежа. Ставете сечкани маслинки како следен слој. Раширете ги рамномерно.
Повторно нанесете мајонез во форма на мрежа. Ставете ги доматите исечени на парчиња, но прво исцедете го вишокот течност од нив. На ист начин рамномерно распоредете ги преку салатата. Врз доматите ставете го исечканиот кромид, па прелијте го со мајонез. Одозгора и од страните посипете ја салатата со рендан кашкавал. Земете 3 чери домати и исечете ги на тенки кругови. Наредете ги врз салатата да изгледаат како цветови од афион. За еден цвет се потребни 6 кругови. Наредете 3 цветови на овој начин. Поставете третина од маслинката во средината на секој цвет, како центар на афионот. Посипете мак околу центарот на доматите. Секој цвет украсете го со гранчиња од копар.
