Сочното пилешко месо во комбинација со вишни носи сосема ново гастрономско искуство. Слатко-киселите ноти на овошјето совршено се вклопуваат со ароматичната мајчина душица, давајќи му на јадењето неочекувана свежина.
Ова е рецепт за оние што сакаат да излезат од вообичаените вкусови и да пробаат нешто различно. Брзо се подготвува и изгледа како вистинско гурманско ремек-дело на масата.
Потребни состојки:
- 600 гр пилешко филе
- 200 гр вишни
- 100 гр путер
- 3 лажици маслиново масло
- 1 лажица мед
- 1 лажица свежа мајчина душица
- 2 лажички сол
- 1 лажичка бибер
- 1 лажичка мешавина од зачини
- 300 гр палента
Подготовка
Маринирајте го филето со сол, бибер, мешавина од зачини и масло. Пржете го пилешкото во тава со масло и путер и извадете го месото додека е сè уште топло. Додадете ги вишните и медот во тавата. Гответе неколку минути. Додадете свежа мајчина душица и вратете го пилешкото да се готви неколку минути за да се намали течноста во тавата.
Сварете ја палентата во солена вода. Додадете го путерот и послужете ја како прилог на подготвеното пилешко.
