Пробајте го овој рецепт од Војводина за неодолива сарма, тајната е во неколку состојки.
Сармата е едно од омилените јадења на нашите зимски трпези, но во Војводина во соседена Србија се подготвува на посебен начин. Најважно за овој рецепт е токму зелката по која е позната Војводина, односно т.н. футошка зелка (од Футог).
Секако, во Македонија таква зелка нема да најдете, па користете алтернативна: важно е да биде бела зелка, а листовите да ѝ се меки, сочни и лесни за виткање. Нормално, за сармата ќе ви треба кисела зелка.
За разлика од некои други верзии на ова јадење, војводинската сарма често се готви со сува сланина, колбаси и сушено месо, а на крајот секогаш се додава запршка, што ѝ дава пополн вкус.
Се крчка полека, на тивок оган, додека зелката не омекне и сите состојки не ги ослободат своите ароми. Ова е вистински старомоден ручек кој особено се подготвува за прослави.
Потребни состојки:
- 2 глави кисела зелка
- 1,5 кг мелено свинско месо
- 100 гр ориз
- 2 големи кромиди
- 2 јајца
- 2 чешниња лук
- 3 лажички мелена блага пипер
- 200 гр сува сланина
- сушено месо по желба
- колбас по ваш избор
- масло за пржење
- сол
- бибер
- вода
за запршката:
- 2-3 лажици масло или маст
- 1 лажица брашно
- 1 лажичка мелена блага пипер
Подготовка:
Излупете го кромидот, исечкајте го ситно и пржете го во малку масло додека не омекне и не стане проѕирен. Додадете го меленото свинско месо, зачинете со сол, бибер и мелена блага пипер и кратко пропржете сè заедно, мешајќи.
Измијте го оризот под ладна вода и додадете го во месото. Додадете го ситно исечканиот лук, додавајќи малку вода доколку е потребно. Крчкајте на тивок оган додека оризот не се свари до половина. Тргнете го од шпоретот, оставете ја смесата малку да се олади, потоа додадете ги јајцата и добро измешајте.
Одделете ги целите листови од зелка што ќе ги користите за виткање на сармите. Ако листовите се премногу кисели или солени, накратко исплакнете ги со ладна вода. Исечете го остатокот од зелката на тенки парченца и распоредете ги на дното на голема, длабока тава. На овој начин ќе создадете основа што спречува сармата да загори и му дава дополнителен вкус на јадењето.
Ставете соодветна количина фил на секој лист од зелка, превиткајте ги страните и внимателно замотајте ги во цврста сарма. Наредете ги една до друга врз парченцата зелка, внимавајќи да бидат убаво збиени.
Меѓу сармите наредете парчиња сува сланина, сушено месо и колбаси. Налејте доволно вода за да ги покрие сармите, а потоа ставете го тенџерето на шпорет. Откако течноста ќе зоврие, намалете ја топлината и гответе покриено околу 2 и пол часа, додека зелката и месото не омекнат.
Во мало тенџере загрејте го маслото или маста, додадете го брашното и кратко пропржете. Тргнете од оган, додадете ја мелената пипер и веднаш разредете ја со малку течност од сармата. Промешајте за да не се направат грутки, а потоа внимателно истурете ја смесата во тенџерето.
Вратете го тенџерето на шпорет и гответе уште 10-15 минути на тивок оган, за да се соедини запршката со течноста, а сармата да добие пополн вкус. Сервирајте топло, со парче домашен леб.
Совет:
Оставете ги сармите да отстојат. Како и повеќето јадења со кисела зелка, сармата е често уште повкусна кога ќе се остави преку ноќ, бидејќи вкусовите на месото, зелката и зачините се дополнително комбинирани.