Џенифер Лопес повторно привлече големо внимание на социјалните мрежи откако објави неколку селфиња од теретана на Instagram. 56-годишната пејачка и актерка позираше во спортски сет во бордо нијанса составен од краток топ со долги ракави и хеланки во иста боја, кои ја истакнуваа нејзината извајана фигура.
На три фотографии, направени со мобилен телефон во модерно уредена домашна теретана, Лопес позира пред огледало со минимална шминка и без филтер. Таа кратко напиша со објавата: „Keep it simple…“.
Објавата предизвика бројни реакции, со пофалби и критики во коментарите.
„Тоа е тоа. Големата Џени од маало, а не малата верзија“, напиша еден корисник. Друг ја бранеше од негативни коментари: „Колку и да ја мразат некои луѓе, никогаш нема да ја видите скршена, запоставена или апатична“.
„Прекрасна“, „Растураш“ и „Кралица“, напишаа тие. Но, имаше и такви кои сметаа дека таа премногу се труди да го одржи својот младешки изглед. „Таа толку многу се труди да изгледа како да има 23 години“, пишуваше во еден коментар.
Некои конкретно се „фатија“ за нејзините години. „Речиси 60, ахахаха, Боже господе“, напиша еден коментатор, по што други застанаа во нејзина одбрана и го обвинија за посрамување поради возраст.
