Американскиот модел Ешли Греам позираше за новата кампања на Victoria's Secret и доби бројни комплименти за својот изглед.
Меѓу другото, таа позираше во боди од чипка и проѕирен градник. Нејзините облини беа во преден план. Таа сподели и видео во кое покажа каква е атмосферата на сетот на кој присуствуваа и нејзините деца.
„Излезе мојата кампања за Victoria's Secret. Има еден куп меки, растегливи парчиња. Не би имала ништо против да ги добијам како подарок“, напиша таа.
„Најубавата манекенка на сите времиња“, „Толку си убава“, „Секси мама“, „Ти си таа“, се дел од комплиментите кои ги доби на Instagram.
New : Ashley Graham for Victoria’s Secret Mother’s Day 2025 pic.twitter.com/9mx622hEU1
— Victoria’s Secret Actu (@vsactu) April 23, 2025
Victoria's Secret соопшти дека долната облека што ја произведуваат им нуди на мајките разновидност и удобност и ги поттикнува да се чувствуваат секси и самоуверени.
New : Ashley Graham for Victoria’s Secret Mother’s Day 2025 pic.twitter.com/vjFsGNpShr
— Victoria’s Secret Actu (@vsactu) April 23, 2025
Потсетуваме, Греам се појави на ревијата на споменатиот бренд во октомври минатата година. Потоа призна дека се двоумела околу оваа понуда бидејќи Victoria's Secret бил познат како бренд наменет само за слаби жени.
„Морам да бидам искрена, кога ме контактираа Victoria's Secret, се двоумев. Овој бренд со години не е посветен на луѓе како мене. Нивната визија за убавина изгледаше ограничена, како сè што правеа да беше наменето само за еден тип на тело, кој не е мојот“, изјави меѓу другото таа.
Ешли и нејзиниот сопруг Менелик Џовани го добија синот Исак во 2020 година. Две години подоцна ги добија близнаците Малахи и Роман.
