Пресли Гербер, синот на Синди Крофорд и Ренди Гербер, почина вчера на 27-годишна возраст, а според првите информации, властите се сомневаат на предозирање.
Гербер е пронајден во рехабилитационен центар во Лос Анџелес. Извори блиски до неговото семејство за TMZ изјавија дека семејството било информирано дека смртта најверојатно е резултат на предозирање.
Тој престојувал во посебен објект во рамките на рехабилитациониот центар, а причината за смртта сè уште не е официјално потврдена. По овој случај, треба да се спроведе обдукција и токсиколошка анализа за да се утврди какви супстанции имало во неговото тело.
Портпаролот на неговото семејство претходно ја потврди веста за смртта и побара приватност.
Гербер почнал да се занимава со манекенство како тинејџер, а во последниве години зборуваше за своите борби со зависноста и проблемите со менталното здравје.
