Ракот на дебелото црево е една од водечките причини за смрт од рак во светот.
Според Светската здравствена организација (СЗО), во 2020 година, регистрирани се повеќе од 1,9 милиони нови случаи на рак на дебелото црево и над 930.000 смртни случаи од оваа болест се регистрирани на глобално ниво.
Особено загрижувачки е фактот што се јавува сè повеќе кај луѓе под 50 години. Познатиот доктор од NHS, д-р Каран Раџан, истакнува дека препознавањето на симптомите буквално може да ви го спаси животот и советува дека веднаш треба да се консултираме со лекар ако ги забележиме следните клучни симптоми на рак на дебелото црево.
Симптомите за кои предупредува докторот се:
- Постојана абдоминална болка што не исчезнува
- Ненамерно губење на тежина
- Необјаснив замор
- Ректално крварење
- Постојана промена во навиките на цревата.
„Ракот на дебелото црево е во пораст, особено кај помладите луѓе, а познавањето на овие знаци би можело да ви го спаси животот“, предупреди д-р Раџан во објавата. Тој објасни дека ненамерното губење на тежината може да биде резултат на метаболичката активност на ракот, додека крварењето често води до исцрпеност и летаргија.
Тој особено нагласи дека крвта во столицата никогаш не треба да се сфаќа несериозно: „Ако забележите крв во столицата, никогаш не претпоставувајте дека е нормално и нешто како хемороиди, секогаш проверете го.“
Според него, ракот на дебелото црево може да предизвика и физичко блокирање на столицата, што доведува до запек или дијареја што трае со недели. „Ако забележите нешто од ова, ве молиме контактирајте го вашиот здравствен работник“, забележува тој.
Добрата вест е дека има начини да го намалите ризикот. Д-р Раџан советува секојдневно да ја проверувате столицата за да забележите промени, потоа нагласува исхрана богата со растителни влакна, откажување од пушење и електронски цигари и намалување на консумирањето алкохол. Навременото реагирање на симптомите и усвојувањето на здрави навики за живот се клучни за спречување и одржување на здрави црева.
