Нутриционистката и диететичарка Сара Шенкер препорачува редовно консумирање ореви, наведувајќи дека една шака на ден може да помогне во намалувањето на холестеролот и одржување на здравјето на срцето.
Високиот холестерол е поврзан со низа сериозни состојби, вклучувајќи срцеви заболувања и мозочен удар, а многу луѓе живеат со него без никакви забележливи симптоми. Според HEART UK, речиси половина од возрасните во Обединетото Кралство имаат висок холестерол, додека 7 до 8 милиони луѓе земаат лекови како што се статини.
Шенкер навдува дека оревите се нутритивно уникатни меѓу јаткастите плодови бидејќи се одличен извор на есенцијалната омега-3 масна киселина алфа-линоленска киселина.
„Од нутритивна гледна точка, оревите се уникатни меѓу јаткастите плодови бидејќи се одличен извор на есенцијалната омега-3 масна киселина алфа-линоленска киселина“, рече таа.
Додаде дека една шака, или околу 30 грама, или 10 цели ореви, содржи приближно 3 грама киселина, што таа го смета за значителна количина.
Покрај тоа, таа порција обезбедува речиси 5 грама протеини и 2 грама влакна. Шенкер истакна дека оревите содржат и витамини Б1 и Б6, фолна киселина, витамин Е, фосфор, магнезиум, бакар, манган и биотин, како и пантотенска киселина, калиум, железо и цинк. Исто така, ја истакна високата содржина на антиоксиданси, кои се концентрирани во кафеавата кора од овошјето.
Според неа, придобивките од оревите не завршуваат само со здравјето на срцето. Поврзани се и со намален ризик од некои видови на рак, подобра контрола на дијабетесот и здравје на цревата, а можат да помогнат и во контролата на телесната тежина со тоа што влијаат на делот од мозокот поврзан со гладот и желбата за храна.
