Неплодноста станува проблем со кој многу луѓе сè повеќе се соочуваат, а одредени симптоми може да укажуваат на рани знаци на овој проблем.
Според Светската здравствена организација, неплодноста се однесува на неможноста за забременување по најмалку една година редовен, незаштитен секс.
Еден симптом што може да укажува на неплодност е доцнење на менструацијата. Имено, ако земате контрацептивни средства, може да потрае неколку месеци вашето тело да се регулира и повторно да почне да овулира. Ако не добиете менструација по три месеци, треба да посетите лекар. Ако не добивате менструација редовно, можеби никогаш нема да знаете кога овулирате.
„Циклусите што се јавуваат спорадично укажуваат на основно нарушување поврзано со овулацијата, што може да го отежни зачнувањето“, изјави експертката Шоива Талебиан за Parents.
Иако постојат различни причини за нередовни менструации, некои од нив може да бидат резултат на поголеми нарушувања, како што се синдром на полицистични јајници и нарушувања на тироидната жлезда. Ако имате обилни менструации, ова може да укажува на проблеми со неплодноста.
„Обилните менструации се поврзани со одредени нарушувања на крварењето или ендокрини проблеми“, рече експертката.
Ако имате силни грчеви, болка за време на циклусот или непријатност по сексуалниот однос, може да имате ендометриоза.
Ако вашите циклуси се постојано пократки од 18 дена, можеби немате овулација или не произведувате доволно прогестерон за да ја одржите бременоста, доколку се случи. Експертите советуваат доколку ги забележите овие симптоми, да побарате совет од гинеколог.
