Бисерниот накит симболизира убавина и софистицираност. Сепак, слободните девојки на TikTok престануваат да го носат бидејќи веруваат дека тоа ги спречува да најдат партнер.
За да оправдаат зошто повеќето членови на денешната генерација мажи не знаат како да ги освојат жените, корисниците на TikTok ја смислија „теоријата за бисерни обетки“, која вели дека жените кои носат ваков вид моден додаток мажите ги сметаат за премногу захтевни и застрашувачки, поради што не можат да си најдат партнер.
Тиктокерката Морган Мекгваер зборуваше за оваа донекаде бизарна теорија.
„Не е ни чудо што сум сама. Украсена сум со бисери, тие се навистина насекаде. Не мислам дека изгледам застрашувачки“, рече таа. Реакциите во коментарите беа мешани.
„Ова објаснува сè“, „Вистина е. Носам бисерни обетки од средно училиште. Сега имам 27 години и секоја врска ми пропадна“, „Се покажа дека е неточно за мене. Често носев бисерни обетки, дури и на денот на мојата свадба“, „Не ми е гајле за никакви теории. Бисерниот накит е дел од традицијата на моето семејство“, се некои од коментарите.
