Садовите за храна за носење, за остатоци од храна и другите садови за чување храна се практични кога сакате храната да ја одржите свежа. Но, она што го користите може да ја содржи најтоксичната работа во вашиот фрижидер - бисфенол А.
Хемикалијата е позната како BPA. Компаниите ја користат хемикалијата уште од 60-тите за производство на пластични производи. Еден од нив е популарниот Tupperware, кој произведува шишиња за вода и други пластични предмети.
Исто така, може да се користи за „премачкување на внатрешноста на метални производи, како што се конзерви за храна, капачиња за шишиња и водоводни цевки“, според клиниката „Мајо“.
Кога храната ќе дојде во контакт со пластика, метал или други материјали, постои можност да апсорбира дел од хемикалијата BPA. Иако Администрацијата за храна и лекови на САД (ФДА) ги тестира прехранбените производи пред да се пуштат во продажба, велат дека мали количини се безбедни за консумирање.
Меѓутоа, во 2012 и 2013 година ФДА ги промени прописите во врска со поликарбонатни смоли базирани на BPA во одредени пластични производи. Ова вклучува шишиња за бебиња, чаши за пијалаци, адаптирано млеко и други садови за храна за бебиња. Но, не го сторија тоа од безбедносни причини.
Промените се направени бидејќи „оваа употреба е трајно и целосно прекината“, соопшти ФДА. Доколку неродените бебиња, доенчињата и децата се изложени на хемикалијата BPA, тоа може да влијае на простатата и мозокот, според клиниката „Мајо“. Сепак, истражувањата сугерираат дека може да постои врска помеѓу консумирањето на хемикалијата BPA и зголемениот крвен притисок кај возрасните.
Лекарите од „Харвард“ препорачуваат да бидете претпазливи со консумирањето на оваа хемикалија и дека е подобро да јадете повеќе свежа храна наместо конзервирана. Исто така, купувајте шишиња за вода и садови за храна без BPA.
Избегнувајте да ставате пластика во микробранова печка или машина за миење садови, „бидејќи топлината може да ја разгради со текот на времето и да дозволи BPA да навлезе во храната“, велат од клиниката „Мајо“.
Покрај тоа, постојат и други материјали кои не содржат токсични супстанции, како што се стакло, не'рѓосувачки челик и порцелан, пишува Eat this.
