Со доаѓањето на постудените денови, јакните стануваат неопходен дел од секој гардеробер. Децата секојдневно ги носат, па затоа често доаѓаат во контакт со разни нечистотии. Иако честото перење е неопходно, една честа грешка што ја прават родителите може да доведе до оштетување на оваа облека.
Како што објаснува експертот за облека Пол Греј, перењето детски јакни во машина за перење само по себе не е проблематично, но клучно е да се обрне внимание на производите што се користат.
Греј предупредува дека стандардните детергенти и омекнувачи на алишта не треба да се користат со водоотпорни материјали. Наместо тоа, тој препорачува користење специјализирани производи за перење водоотпорна облека или дури и перење без никаков детергент.
Пред перењето, јакната треба да се подготви, односно да се исчисти од површинска нечистотија, да се закопчаат сите патенти и дури потоа да се стави во машината. Препорачаната температура за перење е 30 степени, со дополнително плакнење.
По перењето, јакната треба да се исуши природно или во машина за сушење алишта на ниска до средна температура. Сепак, важно е да се напомене - секогаш проверувајте ги упатствата за нега на етикетата за да избегнете евентуално оштетување на материјалот.
Навидум мала грешка како што е користењето на погрешен детергент може да значи крај на водоотпорноста на јакната, што може да биде особено незгодно во зимските месеци. Со неколку едноставни чекори, детската облека може да остане чиста, функционална и долготрајна.
