Дали сте слушнале за „синдромот на добра девојка“?
Се јавува кај жени кои чувствуваат потреба да им удоволат на сите околу себе, а притоа да ги стават своите желби на последно место. Токму затоа може да се појават бројни здравствени проблеми.
Во интервју за New York Post, терапевтката Дајан Ланг изјавила дека многу жени страдаат од „синдром на добра девојка“.
„Многу од нас се воспитувани да бидат тивки и да се погрижат сите други да бидат среќни. Тоа е научена особина. Мажите можат да им угодат на другите, но повеќето жени се однесуваат така поради начинот на кој сме воспитани“, објаснува таа.
„Синдром на добра девојка“ подразбира отсуство на граници, страв од конфликт и изразување на сопственото мислење и слично. Многумина не се свесни дека ова однесување влијае и на физичкото здравје. Се јавуваат стомачни проблеми, главоболки, нарушувања на спиењето, губење на апетит итн.
Секако, можете да се ослободите од „синдромот на добра девојка“ така што ќе научите да поставувате граници и да кажете „не“ на работите што ве вознемируваат.
Ланг вели дека малите чекори како легнување порано, јадење подобра храна, прошетка итн., се исто така важни за лекување. Таа исто така изјави дека треба да пишувате дневник секое утро т.е. ставете ги вашите мисли на хартија без осудување. Треба да бидете подготвени за фактот дека овој процес ќе биде страшен.
„Ако се промените и кажете ‘не’ и поставите граници, тоа ќе влијае на луѓето околу вас. Бидете подготвени тие да се вознемират или вашиот однос со нив да се промени. Тоа е знак дека добро ја вршите работата", вели таа.
