Меѓународното училиште НОВА со задоволство ја продолжува долгогодишната традиција на организирање на Летниот камп, кој оваа година ќе се одржи од 16 јуни до 4 јули, во безбедна, инспиративна и меѓународна средина.
Ве охрабруваме да го запишете вашето дете во Летниот камп на НОВА и да му овозможите од една до три недели исполнети со забава, авантури, истражување и учење преку креативно дизајнирана програма.
Кампот е наменет за деца на возраст од 4 до 13 години и нуди програма адаптирана на секоја старосна група, која поттикнува љубопитност, креативност и социјална интеракција. Дел од активностите вклучуваат: посета на Адреналинскиот и Аква паркот во Пробиштип, јавање коњи, водени активности, креативни работилници, како и истражување на пештерата Врело во Матка. Кампот се одржува од понеделник до петок, од 08:00 до 16:00 часот, со вклучени оброци (појадок, ручек и ужина).
Иако препорачуваме целосно учество во тринеделната програма за комплетно искуство, достапни се и флексибилни опции со соодветен план за упис и плаќање. За компании што ќе запишат четири или повеќе деца, обезбедуваме попуст од 15%.
Ќе ни биде чест доколку ја споделите оваа програма со вашите вработени. Повеќе информации за програмата и групите можете да најдете на нашата веб-страница. За пријава, ве молиме пополнете го следниот онлајн формулар.
Ви благодариме за вашата поддршка и со нетрпение очекуваме да ги пречекаме новите учесници во нашиот Летен камп!
Срдечен поздрав,
Меѓународно Училиште НОВА
