Убедувањето на децата да јадат зеленчук и овошје понекогаш може да биде навистина исцрпувачко. Но, експертите за родителство и деца открија генијална нова стратегија за поттикнување на децата да јадат овошје и зеленчук што е уште поефикасна од ветувањата за десерт или заканите за казна.
Според New York Post, германскиот психолог Вернер Зомер и неговите колеги создале бајки со „магични производи“. Откриле дека само 20 минути разговор за „магичното“ овошје и зеленчук го поттикнало интересот на децата за таа храна.
За оваа студија, која се појави во списанието Appetite, истражувачите од Универзитетот „Хумболт“ во Берлин и Универзитетот во Најроби ги истражувале техниките на родителство кои ги поттикнуваат децата сами да донесуваат здрави одлуки.
Вклучиле 80 градинки и ги поделиле во две групи. Се слушала приказна во која главниот лик бил спасен од болест благодарение на зеленчук со магични својства. Друга група слушала слична приказна, но без да се спомене храна.
Во меѓувреме, секој ден во текот на две недели, на децата им се нудело избор од една закуска: овошје, зеленчук, торта или колачиња - претставени заедно на чинија.
Истражувачите откриле дека дури 80% од децата кои ја слушнале приказната за „волшебниот“ зеленчук избрале повеќе овошје или зеленчук до три недели подоцна, додека децата кои ја слушнале приказната без храна не ги промениле типичните навики за грицкање.
„Со само една 20-минутна сесија на раскажување приказни, постигнавме изненадувачки силен премин од нездраво грицкање кон здрава консумација на овошје или зеленчук“, рече Зомер.
Истражувачите истакнаа дека овие резултати укажуваат на моќните ефекти на раскажувањето приказни како бајки врз промената на преференциите за храна во раното детство во време кога нездравата исхрана станува пандемија.
