Понекогаш по готвењето, се чини дека чистењето на садовите трае подолго од самата подготовка на храната. Може да биде особено заморно кога треба да го исчистите рендето, бидејќи остатоците од сирење, зеленчук или друга храна лесно се заглавуваат во неговите мали дупки и тешко излегуваат.
Остатоците од храна кои се заглавуваат во малите отвори на рендето можат да бидат вистински кошмар за чистење. Сепак, постои едноставно решение кое може да ви заштеди време и напор.
Наместо да се мачите со сунѓер кој не може да допре до сите делови, посегнете по обична четка - без разлика дали е стара четка за заби или четка за боја. Нивните влакна се доволно силни и тенки за да стигнат до сите дупки и лесно да ги отстранат остатоците од сирење, зеленчук или друга храна и тоа од двете страни на рендето.
Откако темелно ќе ги исчистите сите остатоци, едноставно исплакнете го рендето под топла вода за да ја отстраните преостанатата нечистотија. Доколку сакате дополнително да го освежите изгледот на вашиот ренде, користете лимон - пресечете го на половина, посипете со малку сол и со него истријте ја површината на рендето. Овој природен трик не само што ќе ги отстрани бигорот и нечистотиите, туку ќе ги неутрализира и непријатните мириси.
За уште подобри резултати, откако ќе го исчистите рендето, веднаш исушете го за да спречите 'рѓа. Ако често користите ренде, се препорачува да го измиете веднаш по употребата - така ќе го олесните чистењето, а самото ренде ќе трае подолго и ќе остане во одлична состојба.
