Дамките од мрснотии на ѕидовите се честа појава при готвење, кога масло или маст се натрупуваат на површините и оставаат тврдокорни траги.
Иако отстранувањето на овие дамки може да изгледа како вистински предизвик, има едноставни и ефикасни начини да се ослободите од нив.
Доколку ѕидовите што ги чистите се перат, прво исчистете ги со мешавина од топла вода и благ сапун или детергент. Земете мек сунѓер, навлажнете го во оваа смеса и нежно протријте го на дамката. По чистењето, избришете го ѕидот со чиста крпа натопена во вода за да ги отстраните остатоците од сапун, а потоа исушете го со сува крпа.
За бели ѕидови се препорачува користење на неутрален сапун за избелување, кој е поефикасен во отстранување на тврдокорни дамки. Но, бидете внимателни – избелувачот може да ги оштети обоените ѕидови, па затоа користете го исклучиво на бели површини.
Ако дамката од масло не сте ја исчистиле веднаш, има неколку трикови кои можат да помогнат. Еден од нив е да ставите хартија на дамката и да користите фен за коса или пегла за алишта за да се впие мрснотијата. Сепак, важно е често да ја менувате хартијата бидејќи брзо ќе изгори.
Уште еден ефикасен начин за отстранување на мрсни дамки е користење на смеса од амонијак и сапун за садови. Измешајте по една лажичка амонијак и сапун за садови со два литра топла вода, добро промешајте и нанесете на сунѓер. Со оваа смеса нежно истријте ја дамката, а потоа избришете ја со чиста, влажна крпа.
Лакот за коса, покрај тоа што е наменет за коса, може да биде корисен и за чистење мрсни дамки од ѕидовите. Едноставно испрскајте ја дамката со лак за коса, а потоа пребришете ја со сува крпа.
Пченкарниот скроб исто така може да помогне во отстранување на масни дамки. Измешајте го со малку вода и нанесете ја смесата на дамката. Оставете да делува некое време за да ја впие маснотијата, а потоа отстранете ја со влажна крпа.
Алкохолниот оцет е уште еден природен сојузник во борбата против дамки од масло. Измешајте го со вода и истријте ги масните дамки. Откако дамката ќе исчезне, избришете го ѕидот со сува крпа и оставете да се исуши. Овие производи често даваат брзи и ефикасни резултати, особено кај тврдокорни дамки.
