Генетиката е највлијателниот фактор во изгледот на бебето, но голем број други фактори исто така можат да го „одредат“ неговиот изглед.
Според експертите, бебињата родени во летниот период имаат поголема телесна тежина во просек и можат да достигнат поголема висина кога ќе пораснат, во споредба со децата родени во постудените сезони.
Експертите тврдат дека соодветната изложеност на сонце, кое е извор на витамин Д, е клучна за растот на фетусот. Витаминот Д е неопходен за здрав развој на коските бидејќи овозможува апсорпција на калциум и фосфор и има добар ефект врз тежината и висината на детето.
Исто така, вообичаено е бремените жени да имаат желба за одредена храна, но кога станува збор за слатки, препорачливо е да ги јадат умерено. Гестацискиот дијабетес, или високото ниво на шеќер во крвта за време на бременоста, може да предизвика вишок маснотии кај бебето, што потенцијално го изложува на поголем ризик од дебелина и дијабетес.
Многу луѓе веруваат дека консумирањето млеко за време на бременоста помага кожата на бебето да биде посветла. Според експертите, постои врска помеѓу пиењето млеко за време на бременоста и здравата родилна тежина на бебето.
Исто така, на бремените жени им се препорачува да не консумираат повеќе од 200 милиграми кофеин дневно бидејќи оваа состојка брзо се апсорбира и ако се консумира во прекумерни количини, може да се акумулира и да го ограничи растот на бебето, што доведува до мала родилна тежина, пренесува Brightside.
Покрај тоа, јадењето кикиритки за време на бременоста може да го намали ризикот од алергии на кикиритки кај бебето. Алергиските реакции може да предизвикаат осип, црвенило, оток, како и проблеми со варењето и дишењето.
Дополнително, загадениот воздух може да влијае на тежината на бебето при раѓање, а на идните мајки им се препорачува да го намалат ова влијание со консумирање храна полна со витамини и антиоксиданси.
Исто така, храната богата со протеини влијае на растот на косата кај бебињата, па затоа на бремените жени им се препорачува да консумираат спанаќ, авокадо и јаткасти плодови, како и масна риба богата со омега-3 масни киселини.
