Доколку планирате соло патување и се прашувате која дестинација да ја посетите, Quotezone создаде листа на најдобри градови во Европа за соло патници. Мадрид е на првото место.
За многумина, соло патувањето е ослободувачко искуство, но за оние кои го прават тоа за прв пат, може истовремено да биде и застрашувачко.
За да го олеснат целиот процес на избор на дестинација, една од водечките британски веб-страници за споредба на осигурувања, Quotezone, спроведе анализа и создаде листа на најдобри дестинации за соло патници.
За да го направат ова, тие го анализирале јавниот превоз, бројот на хотели и понудени тури, брзината и безбедноста на интернетот, а најпопуларните европски дестинации ги рангирани врз основа на вкупниот индекс за соло патување.
На прво место е шпанската престолнина Мадрид, место со неверојатни ресторани, одлични музеи и прифатлив превоз, солидна брзина на интернет и пристојно ниво на безбедност.
Прага е веднаш зад него на второто место, а Лисабон, Париз и Рејкјавик ги заокружуваат првите пет.
Листата на 10-те најдобри дестинации за самостојно патување во Европа вклучува:
Мадрид, Шпанија
Прага, Чешка
Лисабон, Португалија
Париз, Франција
Рејкјавик, Исланд
Будимпешта, Унгарија
Атина, Грција
Виена, Австрија
Фиренца, Италија
Осло, Норвешка
Претходно, списанието TimeOut создаде слична листа врз основа на мислењата на водичите, но за жени кои патуваат сами. Рејкјавик се најде на првото место на нивната листа, а Стокхолм, Виена и Лисабон исто така се на врвот на листата.
