Ако имате многу црна облека, веројатно се мачите со фактот дека бојата брзо бледнее. Не е само ефектот на сонцето при носење и сушење на алиштата што е „виновник“, туку и грешките при перењето на алиштата се причина зошто црната облека брзо бледнее.
Црната облека може да биде многу елегантна, лесно се вклопува со повеќето бои, но секој што ја носи често знае дека наскоро може да стане сивкаста, па дури и да „влече“ на тегет. Експерт за хемиско чистење ја откри грешката број еден при перење црни алишта.
Стив Колинс, експерт чие семејство поседува бизнис за хемиско чистење во Атланта, Џорџија веќе три генерации, рече дека погрешната температура за перење во машина е еден од главните виновници за избледената црна облека.
„Премногу топлата вода е ваш непријател. Топлината и богатите бои како што е црната, но и некои светли, во никој случај не се добра комбинација. Многумина мислат дека повисоката температура во машината за перење значи и елиминирање на дамките и непријатните мириси, но тоа во никој случај нема да ја заштити долговечноста и јасноста на бојата на црната облека“, рече тој.
„Високите температури може да ја извлечат бојата од ткаенината. И додека алиштата се вртат во машината, се создава триење што ќе ја ослабне ткаенината. Вашата црна облека е оштетена, благо речено. И таквото перење брзо ќе избледи и ќе ја оштети“, предупреди Колинс.
Ако живеете на место со тврда вода, можно е да остави и наслаги што се акумулираат на облеката со текот на времето. Детергентите исто така имаат хемикалии за белење, а резултатот е сивкаста, грда црна облека.
Колинс исто така наведува дека треба да ги одделите алиштата кога ги перете, а тоа го прави на следниов начин. Црната и темните бои одат во една машина. Светли, заситени бои како црвена и виолетова одат заедно. Посветли, слични бои како сива и беж може да се перат во иста машина, додека белите алишта се перат одделно.
„Исто така, се обидувам да ги одвојам типовите ткаенини, па затоа не ја перам облеката за вежбање од полиестер со памучните кошули. На тој начин, го намалувам триењето при перење облека“, рече тој.
Кога станува збор за сушењето алишта, Колинс ја избегнува машината за сушење алишта за своите црни парчиња облека. Топлината е непријател на црната облека, па затоа е подобро да се суши на тераса или во добро проветрена просторија, отколку во машина што има програма за сушење на висока температура.
Експертот се согласува дека природното сушење ќе остави и набори што потоа треба да ги пегламе, но стои на тврдењето дека на овој начин црната облека ќе остане свежа и богата во бојата долго време.
