Според научните истражувања, интелигенцијата во голема мера ја наследуваме од нашата мајка, но таа не е под влијание само на гените. Емоционалната врска со мајката и нејзината љубов, исто така, играат клучна улога во развојот на мозокот.
Жените имаат два X хромозоми (XX), додека мажите имаат еден X и еден Y хромозом (XY). Како што објави YourTango, студија на Универзитетот во Пекинг покажа дека гените одговорни за интелигенцијата се наоѓаат на X хромозомот. Бидејќи жените имаат два такви хромозоми, децата имаат двојно поголема веројатност да наследат интелигенција од мајката.
Истата студија сугерира дека гените од Y хромозомот на таткото придонесуваат повеќе за физичките карактеристики на детето. Иако овие тестови беа спроведени на глувци, научниците пронајдоа и можна врска со луѓето. Имено, тие идентификуваа клетки во шест делови од мозокот кои контролираат различни когнитивни функции, од навики во исхраната до меморијата, и кои содржеа исклучиво мајчини или татковски гени.
Според Psychology Spot, глувците со дополнителна доза на мајчини гени развија поголеми глави и мозоци, но имаа мали тела. Спротивно на тоа, оние со дополнителна доза на татковски гени имале мали мозоци и поголеми тела.
Генетиката не е единствениот фактор што влијае на интелигенцијата на детето. Истражувачите на Универзитетот во Вашингтон откриле дека сигурната приврзаност и мајчинската љубов се клучни за растот на одредени делови од мозокот. Како дел од седумгодишна студија, тие го анализирале начинот на кој мајките се однесуваат кон своите деца.
Резултатите покажале дека децата кои добиле емоционална поддршка и чии интелектуални и емоционални потреби биле задоволени на 13-годишна возраст имале 10 проценти поголем хипокампус од децата чии мајки биле емоционално оддалечени. Хипокампусот е област на мозокот поврзана со меморијата, учењето и реакцијата на стрес.
