Продолжувањето на работното време не претставува зголемен ризик за здравјето на канцелариските работници, според студија на Германскиот економски институт. Вработените кои работат повеќе од 10 часа дневно не пријавуваат значително повеќе замор или симптоми на стрес од оние со пократки работни денови, покажа студијата.
Доброволното прифаќање на подолги работни часови не влијаело на задоволството од работата, истакнува институтот. Подолгите работни денови не влијаеле негативно на здравјето на работниците, според сопствената проценка, ниту на бројот на денови за боледување.
Анализата на институтот се базира на анкета за работното време од 2021 година, која опфати повеќе од 8.600 вработени во канцеларии. Институтот напоменува дека не секоја професија е погодна за подолги работни часови поради безбедносни и здравствени причини.
Новата германска влада предводена од демохристијаните најави реформа на прописите кои го регулираат осумчасовното работно време. Владата сака да воведе неделен оквир за работните часови. Синдикатите силно се спротивставија на отстапувањето од осумчасовното работно време кое е стандард од 1918 година.
Медицината на трудот одамна докажала дека работата подолга од осум часа го загрозува здравјето, според анализата на Институтот Хуго Цинхајмер (Sinzheimer).
