Кучињата имаат специфични начини на комуникација и додека многу сопственици мислат дека знаат што нивното куче се обидува да каже, некои од нив погрешно го разбираат нивното однесување.
Љубителката на кучиња и тренерка Луси Лу во видео што го објави на Instagram откри што значи кога вашето домашно милениче ќе ве допре со шепата.
„Дали знаевте дека ако кучето ве допре со шепата додека го галите, тоа е негов начин да ви возврати. Ставањето на шепата врз вас е знак дека вашето домашно милениче ве сака и ви верува“, рече таа.
Експертите за животни од PetMD истакнуваат дека ова е вистина, но тоа не е сè што вашето домашно милениче се обидува да ви каже. Имено, кучињата ги користат шепите од многу причини, како и од однесувања како што се галење и туркање.
Тоа е инстинктивно, природно однесување кое започнува кај кученцата, бидејќи тие бараат млеко од мајка си со шепите и комуницираат на овој начин. Кучињата брзо учат дека ако сакаат нешто, шепата ќе им помогне да го добијат тоа, бидејќи нивните сопственици обично реагираат на таа акција.
PetMD истакнува дека кучињата можеби сакаат ваше внимание кога ќе ве допрат со шепата.
„Сегашната теорија е дека кучето ја користи својата шепа за да изрази незадоволена потреба. Луѓето обично го поттикнуваат ова однесување давајќи му го на кучето она што го сака. Со оглед на тоа дека не секоја шепа е барање за внимание, важно е да бидете свесни што друго прави вашето куче“, објаснија тие.
Важно е да обрнете внимание на неговите други постапки и однесувања за да процените дали вашето домашно милениче е под стрес, дали треба да излегува надвор, дали е гладно или нервозно.
Експертите тврдат дека допирот со шепата е начин кучињата да покажат љубов, пишува Express.
„Шепата што се потпира на вашата рака додека ги галите порачува дека доживуваат љубов. Со давањето на оваа реакција, се поврзувате со позитивните чувства на вашето куче“, објаснија тие.
