Многу луѓе секојдневно оставаат работи низ бањата за да им бидат на дофат, без да размислуваат за можните последици по нивното здравје. Иако на прв поглед безопасни, оставањето одредени предмети „на отворено“ всушност може да биде идеално место за размножување на бактерии и мувла.
Тоалетната хартија е еден од предметите што најчесто е изложен на влага и нечистотија, особено ако се чува вон затворени ормари. Влагата е погодна за раст на мувла, а честичките што се шират низ воздухот при пуштање вода во тоалетната школка можат дополнително да го контаминираат - без оглед на тоа дали капакот е спуштен или не.
Слична е ситуацијата и со пешкирите, памукот и стапчињата за уши. Меките материјали како што се пешкирите лесно апсорбираат штетни честички што се распрснуваат со секое пуштање вода. Ваквите пешкири, иако изгледаат чисти, можат да станат извор на бактерии кои потоа доаѓаат во контакт со кожата на лицето и рацете.
За да се избегне ширењето на бактерии и мувла, важно е да се чуваат неискористените пешкири, тоалетна хартија и слични предмети во затворени ормари или садови што спречуваат акумулација на влага и бактерии.
Употребените пешкири треба редовно да се менуваат, а најдобро е резервните текстилни производи да се чуваат надвор од бањата, во сува и чиста просторија.
