Францускиот готвач Даниел Булуд сподели техники за готвење за правилно додавање сол во јадењата додека се готви.
Булуд препорачува мерење на солта со прсти и користење на ист вид сол за да се развие чувство за пропорција, а исто така откри и совети за додавање сол во водата при готвење тестенини, житарици и супи, според Food & Wine.
Готвачот рече дека е важно да ги користите прстите за да ја процените количината на сол што ја користите. За филе од риба, вели дека е корисно да користите два прста, додека мерката од четири прста треба да се резервира за поголеми јадења.
Булуд не препорачува користење лажица за посипување сол бидејќи лесно може да доведе до погрешна пресметка. Дополнително, кога солите голема количина вода за готвење житарици или тестенини, можете да користите кошер сол, која е поевтина од морската сол.
„Кога правите тестенини, слободно пробајте ја водата. Ако сè уште не сте додале ништо во тенџерето освен вода и сол, не е предоцна за прилагодување. Кога правите супа, тешко е да се извади солта ако сте ја пресолиле, па затоа мора да ја разредите. Затоа секогаш треба да бидете внимателни кога ја солите супата“, рече тој.
Булуд во 1993 година го отворил ресторанот „Daniel“ во Менхетн, Њујорк, а денес освен во тој град има ресторани и во Мајами, Торонто, Монтреал, Палм Бич, Сингапур, Дубаи и Бахами.
