Конклавата на која се избира новиот папа привлекува големо внимание од граѓаните, но и од туристите кои сакаат да бидат сведоци на овој важен настан за Католичката црква. Иако од една страна конклавата е религиозен настан, од друга страна таа е и главен извор на приход за целиот Ватикан.
Италијанските медиуми објавија информација дека 5.300 новинари се акредитирани за конклавата што сега се одржува во Ватикан.
Со оглед на тоа што новинарите и снимателите бараат најдобри позиции за известување, во деновите на конклавата, позициите во близина на оџакот на Систинската капела привлекуваат посебно внимание.
Оџакот, во зависност од бојата на чадот што излегува од него, сигнализира дали кардиналите избрале нов папа, а сите медиуми се натпреваруваат да го фатат овој момент на најдобар начин.
Така, според извештаите на италијанските новинари, балконите на улицата „Паоло VI“ се оние од кои може да се види најдобриот поглед на овој оџак.
Ватикан ги изнајмува овие позиции на медиумите по цена од 500 евра дневно.
Да потсетиме дека црниот чад над Систинската капела се појави во среда малку по 20:00 часот, а тоа беше знак дека кардиналите не избраа нов папа во првиот круг од гласањето.
Кардиналите денес ќе имаат четири гласања во Систинската капела, а доколку папата биде избран на некое од гласањата, во од оџакот ќе се појави бел чад.
