Тешко ќе најдете родител кој барем еднаш не го испратил детето да стои во ќош како казна за лошо однесување.
И покрај она што повеќето мислат дека е ефикасен метод за дисциплинирање, експертот за родители, Кервин Ре, верува дека така всушност се прави повеќе штета отколку корист.
Варијации на „методот“ се испраќање на детето во соба или да седи на стол. Логиката на овој метод е да му се овозможи на детето да се одвои, смири и да размисли за своето однесување. Но, Кервин посочува дека тајм-аут методот делува на краток рок, но не и долгорочно, како што покажуваат децениските истражувања.
„Кога го испраќате детето во ќош, брзо ќе го добиете она што го сакате - мир. Но, до 14-тата година, ќе имате бунтовник во куќата. Ако децата се научат на тајм-аут, ќе прераснат во возрасни кои избегнуваат конфликти, наместо да се соочуваат со нив. Тоа е она на кое ги учи тој метод“, објасни тој во видео на TikTok.
@kerwinrae ♬ original sound - Kerwin Rae
Оваа објава им донесе олеснување на многу родители, кои кажуваат дека не сакаат да ги казнуваат своите деца на таков начин.
„Сега ми е драго што не го правам тоа“, коментира еден родител.
Сепак, не сите се согласија со ставот на Кервин.
„Тајм-аутот треба да биде минута, за детето да се олади и да научи да ги контролира своите чувства. Ова треба да биде проследено со разговор. Проблемот е во тоа што луѓето се мрзливи и потоа забораваат да зборуваат со детето“, рече друг TikTok корисник.
Што мислите вие за овој метод на дисциплинирање?
