Ако имате iPhone и Android смартфон ја знаете маката со различните кабли за полнење - најновиот iPhone бара Lightning кабел, а Android уредите бараат micro USB кабел. За среќа сега има еден кабел што може да ги полни двата уреда.
LMcable привлекува многу внимание на Kickstarter, а функционира и во Lightning и во micro USB портовите, така што има две различно дизајнирани страни на приклучокот.
Едната се поврзува со пиновите на Lightning портот, додека долната страна се поврзува со пиновите на USB портот. Од другата страна на кабелот е стандардниот USB машки конектор.
Иако LMcable може да се поврзе и со разни уреди со тие портови, сепак не може да пренесува податоци. Кабелот има можност само да ги полни различните смартфони.
Целиот кабел е обвиткан во кожа, а ќе биде достапен во бела, кафена, црна и сина боја.
Kickstarter кампањата ја надмина целта од 3,582 долари повеќе од 10 пати, за само десетина дена и има повеќе од 1.500 подржувачи. Достапен е за 21 долар во преднарачка, а испораката треба да почне во април.
