Првата дама на Република Македонија Маја Иванова беше една од гостинките на францускиот претседател Емануел Макрон и првата дама Брижит Троње на одбележувањето на стогодишнината од крајот на Првата светска војна во Париз.
Светските први дами покажаа одмереност, елеганција и префинетост во нивните модни избори, а домаќинката Троње смени комбинација три пати во текот на свечениот ден, почнувајќи го денот во елегантно палто со сребрени копчиња и црни панталони, додека пречекуваше гости во Елисејската палата.
Првата дама на САД Меланија Трамп носеше сив фустан од есенската колекција 2018 на Christian Dior и палто од истиот бренд, во комбинација со црни Manolo Blahnik салонки и кожени ракавици.
Иванова избра дводелен комплет со здолниште во темноцрвена боја и лакирани салонки во иста нијанса.