Откако ноќеска по четврти пат го совлада Милвоки, тимот на Мајами го завери своето место во финалето на Источната конференција.
На претходниот натпревар Бакс успеаја да победат и за момент да ја вратат надежта дека можат да направат чудо, но сепак тоа траеше кратко. Иако ноќеска Милвоки ја доби првата четвртина со 9 разлика, во втората Мајами одигра фуриозно добивајќи ја со 33:18, а потоа до крајот одржуваше контрола врз резултатот.
Крис Мидлтон од редовите на Баск беше најефикасен со 23 поени, додекај кај Мајами 17 постигна Џими Батлер кој запиша и 10 скокови.
Мајами во финалето на Истокот го чека подобриот од пресметката помеѓу Бостон Селтикс и Торонто Репторс каде Бостон води со 3-2 пред дуелот кој ќе се игра вечерва 30 минути после полноќ.
Лејкерс победе со 2-1 во партии против Хјустон откако ноќеска оствари победа со 10 поени разлика. Леброн Џејмс со 36 поени беше најефикасен, додека Џејмс Харден од Хјустон постигна 33 поени и по 9 скокови и асистенции.
Резултати:
Милвоки Бакс - Мајами Хит 94:103 (1-4)
Хјустон Рокитс - Лос Анџелес Лејкерс 102:112 (1-2)
