Бизнис

Мајк Масимино, поранешен астронаут на NASA, нов говорник на Spark.me 2018

17. април 2018 - 14:31 | Кајгана

Тимот кој ја организира Spark.me, една од најголемите бизнис/интернет конференции во Југоисточна Европа, која се одржува на 26. и 27. мај во Будва (со серија специјализирани работилници закажани за 25. мај), објави ново име на говорник на Spark.me 2018 - Мајк Масимино, поранешен астронаут на NASA, професор на Универзитетот Колумбија, Сениор Советник за Вселенски програми и бестселер автор.

Мајк Масимино служеше како астронаут на NASA од 1996 - 2014, летајќи во вселената два пати и четири пати се прошета низ неа на мисиите поврзани со вселенскиот телескоп Хабл. Тој беше првиот човек кој твитна од вселената и последниот кој работеше во внатрешноста на Хабл. Мајк живее во Њујорк, каде е Сениор Советник за Вселенски програми на Interpid Sea, Air and Space Museum. Предава инженерство на Универзитетот Колумбија.

Мајк се појави и шест пати во хит комедијата на CBS, The Big Bang Theory, редовно се појавува во емисии, вести и документарци, вклучувајќи ги The Today Show, Good Morning America, Neil deGrasse Tyson’s Star Talk, и серијата One Strange Rock. Неговиот бестселер, Spaceman: An Astronaut’s Unlikely Journey to Unlock the Secrets of the Universe, беше издаден во 2016 година.

Претходно, организаторите на Spark.me објавија пет говорници - Mark W. Schaefer (еден од најпознатите стратези за маркетинг на социјални мрежи и бизнис консултант, Denise Lee Yohn (експертот за бренд лидерство, консултант и бестселер автор), Boyd Multerer (поранешен водечки инженер на Xbox кој ги основаше Xbox Live и XNA), Dhiraj Mukherjee (ко-основач на Shazam, $400 million) и Kerry O’Shea Gorgone (директорка за стратегии во MarketingProfs), водечки извор на информации за повеќе од 600.000 маркетинг професионалци ширум светот и водител на Marketing Smarts подкастот. Повеќе говорници ќе бидат објавени во наредните недели.

Билетите за spark.me конференцијата се достапни на официјалниот сајт www.spark.me. Редовната цена на билетите е 300 евра. Сите заинтересирани можат да ја искористат Late Rate цената и да ги купат нивните билети по цена од 250 евра до 13-ти мај. Средношколците, студентите, постдипломците и докторантите може да ги купат билетите по специјална цена од 50 евра.

Повеќе за конференцијата можете да најдете на официјалниот сајт www.spark.me, Facebook страницата, Twitter и Instagram профилите.

Коментирај