Иако подолго време е во пензија, Мајк Тајсон и понатаму предизвикува внимание во јавноста. Овој пат, во фокус е неговата изјава од подкастот „Hotboxin' with Mike Tyson“ во кој гостин му беше терапевтот Шон Мекфарланд.
„Сите ќе умреме еден ден. Во последно време често се погледнувам во огледало и гледам некакви дамки на лицето кои претходно ги немаше. Си велам себеси дека сум близу до крајот, дека во скоро време ќе умрам“, започна со мрачен тон еден од најдобрите боксери во историјата.
Објасни дека во последно време сфатил дека сè е релативно.
„Парите ништо не ми значат, секогаш им велам на луѓето дека се лажат ако мислат дека парите ќе ги усреќат. Кога имаш пари, не можеш да очекуваш некој да те сака. Како некој искрено ќе ти признае љубов кога имаш 500 милијарди долари?
Тој додаде:
„Парите само ви даваат лажно чувство на сигурност. Мислиш дека ништо не може да ти се случи. Не веруваш дека банките може да пропаднат. Веруваш дека си непобедлив кога имаш многу пари, но сето тоа е лага. Затоа секогаш се потсетувам себеси дека се илузија“, заклучи тој во разговорот.