Мајк Тајсон поразен од Џејк Пол, jутјуберот славеше со судиска одлука

Легендарниот боксер Мајк Тајсон (58) ноќеска загуби од 31 година помладиот јутјубер Џејк Пол на спектакуларен настан одржан на стадионот „AT&T“ во Тексас, САД.

Тајсон ги доби првите две рунди по одличниот почеток на мечот, но по тие 4 минути остана целосно без енергија и сила, па Пол доминираше во остатокот од мечот и заслужено славеше.

Тајсон агресивно влезе во борбата и го бркаше Пол околу рингот во првата минута од првата рунда и го удри неколку пати, но потоа Пол одговори со неколку силни удари. Според неофицијални податоци, Тајсон победи во првото коло со 10:9.

Втората рунда донесе премалку акција во рингот, а единствениот чист удар беше десното кроше на Тајсон. На судиите повторно им беше тешко да доделат бодови, но неофицијалните податоци велат дека рундата му припадна на Тајсон.

Пол многу подобро влезе во третата рунда и успеа да го затресе Тајсон, кој неколку пати се тетеравеше, но успеа да остане на нозе. Пол во третата рунда дефинитивно ја намали разликата што ја имаше по првите две.

По четвртата рунда Пол, кој имаше блага иницијатива, израмни и целосно се врати во мечот, а во петтата Пол повторно беше подобар, го удри Тајсон со прекрасно десно кроше, но на 40 секунди до крајот Тајсон добро го начека со лево кроше од контра. Рундата му припадна на Пол, кој поведе на овој меч.

Тајсон изгледаше уморно и во шестата рунда, но не презеде премногу акција ниту Пол, кој сепак ја доби рундата за значајна предност пред последните две. Тајсон со добар удар ја отвори претпоследната рунда, но тоа беше сѐ што направи во тие две минути. Пол добро работеше од далечина и собираше бодови, а во последната рунда рутински го приведе мечот кон крајот и славеше заслужена победа.

Прекрасна сцена беше видена во последните секунди од мечот кога jутјуберот му покажа голема почит на легендарниот Мајк и му се поклони.

Пол славеше со едногласна одлука на судиите, а беше 79:73 по 8 рунди борба.