Поранешниот шампион во бокс во тешка категорија учествуваше во емисијата на Discovery Channel – Shark Week. За да ја промовира една од најпопуларните емисии, Мајк Тајсон беше обучен како треба да се однесува во близина на ајкулите.
Discovery, во склоп на серија научни емисии кои се занимаваат со ајкули, претходно најави „борба“ меѓу Тајсон и голема бела ајкула.„Борбата“ на крајот се одржа, а се состоеше од три рунди. Во првата рунда Тајсон мораше да нурка со ајкули, во втората да ги избегнува, а во третата да фати ајкула и да ја држи на морското дно, да не може да се движи.
Тајсон успешно ги заврши трите задачи, а Discovery Channel му додели победа со „нокаут“ и го нарече светски шампион за ајкули.
