Полицијата во Стокхолм соопшти дека го истражува случајот на мајка која 28 години го чувала синот заклучен во станот.
Обвинителката Ема Олсон изјави дека е покрената истрага против жена на возраст околу 70 години, која се сомничи дека незаконски му ја одзела слободата на синот, и му нанела тешки телесни повреди. Синот бил неодамна откриен од роднина, кој ја известил шведската полиција.
Жената негирала дека направила нешто лошо, а 41-годишниот син е хоспитализиран поради повредите.
Роднината која го открила случајот истакна дека мажот бил валкан, без заби, со рани на нозете, говорот му бил нејасен, а во станот мирисало на урина.
Според шведските медиуми синот бил затворен во станот кога имал 12 години, односно пред 28 години.
