Мајката на милијардерот Илон Маск е прогласена за најстара жена која се има најдено на насловната страница на славното списание Sports Illustrated и тоа секако, во костим за капење.
Родена во Јужна Африка, оваа 74-годишна жена е самохрана мајка на три деца, работи како модел и е дипломиран нутриционист.
Во осмата деценија изгледа неверојатно младолико и има беспрекорен вкус за мода, за што сведочат и фотографиите од бројни настани.
Маје Маск вели дека ни во најлудите соништа не очекувала дека еден ден ќе се најде на насловната страница на ова списание.
„Мојата прва реакција беше дека никогаш не би можела да замислам такво нешто, бидејќи зошто некој би ставил 74-годишна жена на насловна страница, особено во костим за капење?“, вели Маје со надеж дека ќе биде инспирација и за други жени на нејзина возраст.
