Мајкл Џеј Фокс се бори со Паркинсонова болест повеќе од 30 години, а неодамна неговата здравствена состојба се влошила, па е принуден да се движи со помош на инвалидска количка.
Ѕвездата од Back to the Future даде интервју за Sunday Morning на CBS и призна колку му е тешко.
„Нема да доживеам 80 години“, изјави актерот, што може да се види во најавата за емисијата.
„Да, смртта ми тропа на врата. Нема да лажам. Станува тешко, станува потешко. Секој ден е сè потешко", изјави Мајкл на новинарката Џејн Паули. Потоа откри дека имал операција за отстранување на бениген тумор на 'рбетот, но процедурата му го „нарушила“ одењето и почнал да „крши“ други делови од телото, вклучувајќи ја раката, лактот, лицето и раката.
Тој објасни дека „големиот убиец“ што следи со Паркинсоновата болест е паѓањето, а може да има и проблеми со пневмонија и при џвакањето храна.
„Не умираш од Паркинсонова болест. Умираш со Паркинсонова болест. Значи, да, сум размислувал за смртноста од оваа болест“, раскажува Фокс, кој во емисијата го најави и документарецот за неговиот живот STILL: A Michael J. Fox Movie.
На Мајкл лекарите му ја дијагностицираа болеста кога имаше 29 години и оттогаш основа фондација, работеше на филмски и телевизиски проекти и е посветен на своето семејство.
Актерот секогаш наоѓаше сила во сопругата и колешката Трејси Полан (62) со која се ожени во 1988 година, а ги имаат близнаците Аквина и Шајлер, ќерката Есма и синот Сем.
„Трејси и децата се неверојатни. Знам дека звучи досадно, звучи како бајка, но ние сме во брак 30-ина години, па очигледно најдовме нешто добро“, рече Фокс.